اعرفى اكسسواراتك من نوع جسمك

Admin عدد الرسائل : 318 تاريخ التسجيل : 22/05/2008

زيك... زيي... زي أي واحدة في الدنيا..

ساعات كتير بننزل نلف وندور في محلات الملابس عن لبس يكون مناسب لينا..

وفعلاً وبعد عناء تلاقيه منور الفاترينة وتجري بسرعة علشان تقيسيه ويطلع مظبوط عليكِ

بس برضه ما تبقيش فرحانة..توشوشي نفسك وتقولي "لأ حاسة إن فيه حاجة ناقصة"

رغم إنه هو ده اللي بتدوري عليه لكن تبقي حاسة إنه عايز "حاجة"..

بس يا ترى إيه هي "الحاجة" دي؟!

حاجة مختلفة....

الحاجة اللي دايماً بتكون ناقصة هي اللمسة النهائية لجمالك أو إضافتك الشخصية لمظهرك

من الآخر هي الإكسسوارات اللي بتفرق من شكل نفس الموديل من بنت لأخرى...

وبتديكِ الإحساس الكامل بالرضا من مظهرك ولبسك وثقة بالنفس وتألق وحاجات كتير جداً

بس المهم يكون الاختيار سليم وعلشان يحصل ده لازم تكوني عارفة إن اختيارك للإكسسوار بيعتمد على

حاجات كتير أولهم شكل الجسم عامة هتقولوا ازاي هاقول لكم من خلال التوضيحات اللي جايه واللي بتبين

إن فيه 6 أشكال للجسم وكل شكل بيليق عليه نوع معين من الإكسسوارات:

1. الجسم الرياضي: اعرفى اكسسواراتك من نوع جسمك Post-3228-1143377433

اعرفى اكسسواراتك من نوع جسمك Post-3228-1143377433

في الحقيقة قليل من البنات الشرقيات بيكون جسمهم جسم رياضي وطبعاً ده للأسف راجع لحياتنا اليومية

البعيدة بشكل كبير عن ممارسة الرياضة والغذاء الصحي...

مش قصدي أعقدك ولا حاجة دلوقتي هيكون موجه بس للجسم الرياضي أو المتناسق

ولكن الأكتاف بتكون عريضة قليلاً زي ما في الصورة كده....

والجسم ده بتناسبه أنواع كتير من الإكسسوارت زي:

• الحلقان الكبيرة والمتدلية بأشكال هندسية مختلفة وملفتة.

• السلاسل والعقود القصيرة حول الرقبة والدلايات الكبيرة بتكون مناسبة جداً ليكِ.

• السلاسل والعقود المتدلية هتخلي الجزء العلوي من جسدك أعرض.

• تجنبي الدلايات الرقيقة والصغيرة لأنها هتضيع في الشكل العام ليكِ.

1. ساعة رملية: اعرفى اكسسواراتك من نوع جسمك Post-3228-1143377685

اعرفى اكسسواراتك من نوع جسمك Post-3228-1143377685

ما تستغربيش من الاسم هو فعلاً الموضوع مالوش أي علاقة بالوقت ولا الساعات بس في الحيقيقة

هو ده المصطلح اللي أطلقه خبراء التجميل على الهيئة دي من الأجسام زي اللي موضحة في الصورة...

لأنها بتشبه إلى حد كبير الساعة الرملية...

الهيئة دي بيناسبها: • السلاسل أو العقود القصيرة الملفوفة حوالين الرقبة.

• الدلايات تكون بسيطة بتفاصيل قليلة.

• أما الحلقان فيفضل إنها تكون قصيرة أو متوسطة الطول المهم ماتكونش طويلة.

1. من غير وسط.. اعرفى اكسسواراتك من نوع جسمك Post-3228-1143377737

اعرفى اكسسواراتك من نوع جسمك Post-3228-1143377737

عادة النوع ده من الفتيات "من غير وسط" بيتبعوا نظام غذائي خاطئ بيؤدي لاختفاء أهم دلائل الرشاقة

وهو "الوسط" وده بيدي هيئتها شكل مدور زي ما في الصورة بالضبط....

المناسب ليكِ:

• الحلقان الطويلة بتكون مناسبة جداً ليكِ أما الحلقان القصيرة فهتضيع معالمها في الشكل العام للجسم..

• تصميم الحلقان يفضل إنه يميل للتصميمات المعقدة والألوان اللافتة علشان تشد النظر للوجه أكثر...

• السلاسل والعقود يفضل إنها تكون متوسطة الطول والدلايات ذات الأحجار هتكون مناسبة جداً ليكِ

أكتر من الدلايات الخشبية أو المعدنية لأنها هتحرمك من الجانب الرقيق لشخصيتك..

دول كانو 3 انواع وبكره هكمل ال3 التانيين